SB

如果你都想要以下禮物嘅話，只要答中問題，連同姓名、身份證號碼頭3個字及聯絡電話，一次過E-mail到gift@yes.com.hk就有機會得到，記得標題要註第990期心血大放送」，仲要寫明你想要邊份禮物喎，想要就快手喇！




  問題 :
HotCha專輯〈SHALL WE DANCE? SHALL WE LOVE?〉最新推出第幾版？  
 

HotCha喺嚟緊嘅3月13日下午，會喺九龍灣Emax舉行專輯〈SHALL WE DANCE? SHALL WE LOVE?〉第三版簽唱會，接住直落去埋「Neway呈獻Budweiser I am Chi Lam Music Show」做表演嘉賓。鍾意HotCha嘅你，齋去簽名同睇Show都未夠㗎，著埋有HotCha 3位簽齊名嘅Tee去，咁至叫狂迷嘛！而家送出HotCha親筆簽名Tee 3件，名額3個，每人可得1件。

     
  問題 :
大嘴巴最新專輯叫咩名？  
 

台灣組合大嘴巴早前成為運動品牌PUMA台灣區代言人。大嘴巴4位都咁有活力，做運動牌品代言真係Fit到漏。見佢哋著住運動品牌贊助嘅Sharp爆運動服，唱起新專輯〈万凸3〉入面嘅歌真係份外醒神。而家送出PUMA收音機兩部，攬住喺條頸度帶佢出街，係人都知你係潮人喇！名額兩個，每人可得1部。

     


  問題 :
Elizabeth Arden新出嘅產品叫咩名？  
 

天氣陰睛不定，一時乾燥一時潮濕，搞到肌膚無法適應。呢個尷尬時候，當然更加要好好保護我哋幼嫩嘅皮膚，咁先可以保持白白滑滑。Elizabeth Arden新出嘅8小時潤澤霜復刻版就最啱喺呢個時候用喇，因為當中含有維他命E同多種特效滋養成份，能有效全面對抗因外在環境同天氣變化而引致嘅各種不適，而且更可加快肌膚組織癒合。今次特別送出1樽，名額1個。

     
  問題 :
水晶骨膠原亮麗唇彩含有咩成份，可以滋潤雙唇呢？  
 

唇部乾燥一向係女生大忌，所以化妝袋中又點可以冇一枝滋潤嘅唇彩傍身？MAYBELLINE嘅水晶骨膠原亮麗唇彩就適合一年四季使用。當中含超炫亮剔透配方，輕輕一搽，就可以閃出炫目剔透漂亮嘅唇色，同時嬌唇更可瞬間散發無與倫比嘅閃爍亮麗光芒，而且塗抹後有如注入滋潤嘅骨膠原，為雙唇帶嚟前所未有嘅水凝滋潤。是次特別送出1枝，名額1個。

     


  問題 :
請講出〈愛麗絲夢遊仙境〉入面，其中一個角色嘅名。  
 

由鬼才導演添布頓執導、尊尼特普演出嘅電影〈愛麗絲夢遊仙境〉，大家都引頸以待。沙田新城市廣場最近仲將商場打造成電影中嘅樂園︰一期打造成搗蛋搞鬼嘅「瘋帽先生茶會」，等大家一齊開個狂野派對；三期就建構成愛麗絲嘅「神秘玫瑰花園」，大蘑菰、向你微笑嘅花朵，奇趣處處，俾大家同鍾意發夢嘅愛麗絲一齊遊歷異想世界！今回特別送出3套以電影〈愛麗絲夢遊仙境〉為主題嘅手機繩&萬用袋，名額3個，每人可得1條手機繩及1個萬用袋。

     
  問題 :
〈午夜靈異錄像〉係一套咩類型嘅電影？  
 

早前連史提芬史匹堡都讚好嘅驚慄電影〈午夜靈異錄像〉，最近終於推出DVD。故事講述姬蒂一直俾靈異物體喺午夜纏身，男友米高對呢件事半信半疑，於是每晚拍低2人瞓覺嘅情況，誓要尋找真相。點知攝錄機真係拍攝到令人恐懼嘅詭異影象！但米高並未嚇怕，反而用各種方法引「佢」現身，果然越拍越「有料到」……值得一提嘅係，今次DVD版特別收錄另一靈異結局。今回特別送出3隻〈午夜靈異錄像〉DVD俾大家，名額3個，每人可得1隻。